Warum eigendli Lebkuacha?Lebkuachaherzerl: wundaschee, zuckasiass und so vui gsogd! Ganz vui Gfui konnsd auf da Wiesn am Bestn mit am Lebkuacha umma bringa. Und do is a romantischs Herzerl mit'm Zuckaguss "I hob Di liab" genau des Richtige! Oba warum grod zua Wiesn? As ganze Jahr iwa gibds no gnuag andre Meglikeidn, um a persönlichs Fotoherzerl zum vaschenga! Die umara 100 Gramm schware Schleckarei is gmacht aus am saftign Lebkuachadoag, a knackig feina Vazierung und a weissn Schrift aus siassm Zuckaguss. Und damits nachad a wirkli a ganz oanzigartigs Gschenk is, kimmd no a Foto auffi - auf Zuckafolie - damids no schena ausschaugd. Dei Fotoherzerl - und davo konnsd oiss essn!
| Und woher kimmd a nochad, da Lebkuacha?Iwaroi auf da Wäid kennd man! D'ersten "Honigkuacha" ham's scho ois Grobbeigob im oidn Ägypten vor mehrane dausad Jahr ghod. Danoch is da Lebkuacha iwa an Umweg von Belgien iwa Aachen und Franken (Nürnberger Lebkuacha!) endli z'uns nach Bayern kemma - allerdings is des Rezept nachad nimma as Säibe gwen ois wia am Anfang. Weil a jeda zua eigendlichn Backmischung sein eigna Gschmagg dazua do hod. Heid'zdog wiad aufn Kuacha nimma bloß oafach a Honig auffigstricha, heid kemman nu vui raffinierdare und vuifältigare Sachan eini: Zimt, Nelkn, Anis und a bor exotische Gwürze gem am Lebkuacha sein oanzigartign Gschmagg. Und genau deswegn riachd a a so guad, dass'd Di kaum no hoiddn konnsg. Friara hods'n ois Nochspeis im Kloster gem. Haid kaffa junge wia oide Mannsbuida aus alla Wäid - oiso a de Breissn - eanam Schbodsal oder eanam Gschbusi a Herzerl mit Zuckaguss. Des ko zum Beischbui a gloane Aufmerksamkeit sei, a Liabesbeweis oder hoid oafach wos, wos ma vo da Wiesn mitbringd, weil's oam do hoid ganz bsundas guad gfoin hod. Und wenn Du a a so a bsundans Schmankerl suachsd, konnsd jetz' a glei so a oanzigartigs Herzerl fia Dei Schbodsal bschdäin. Konnsd da iwalegn, obsd liawa an Liabesgruass, a Foto oder a iagand a bsundans Musta auffi hom mechsd. Freili, dass'd damit ned nua Deim Herzblatt a echte Freid mocha konnsd, a de gloanan Butzerl megn des siasse Lebkuachaherzerl narrisch gern. Des is a gschmaggige Sach! |
